ఇంటర్ నెట్ కనక్క్షన్ లేకుండా బ్లాగు పోస్టు తయారుచేసుకోవడం
బ్లాగ్ ఎడిటర్ లో ( బ్లాగ్ స్పాట్, వర్డ్ ప్రెస్ వగైరా) నేరుగా టైప్ చేస్తున్నప్పుడు మీ ఇంటర్నెట్ కనక్షన్ పోతే బ్లాగు పోస్ట్ లో వ్రాసినదంతా గాలిలోకి పోయి ప్రాణం ఉసూరుమంటుంది కదూ. ఇలా కాకుండా ఉండాలంటే మీరు ఏదో ఒక " ఆఫ్ లైన్ బ్లాగ్ ఎడిటర్" వాడక తప్పదు. అంతే కాదు. సునాయాసంగా బ్లాగు పొస్ట్ లో మీరు ఉంచిన బొమ్మలు గాని, వీడియోలుగాని ఆఫ్ లైన్ బ్లాగ్ ఎడిటర్ లోని పబ్లిష్ బటన్ నొక్కి బ్లాగుతో బాటు అప్ లోడ్ చెయ్యవచ్చు. మీరు సగం వ్రాసిన బ్లాగుని భద్రపరచుకొని తరువాత మీకు వీలుచిక్కినప్పుడు పూర్తి చేసి పబ్లిష్ చెయ్యవచ్చు. నెట్ కనక్షన్ పైన ఆధారపడటం లేదు కాబట్టి, బ్లాగు వ్రాసే పని తొందరగా చెయ్య వచ్చు. మీరు ఒకటికన్న ఎక్కువ బ్లాగులను ఒకే సారి తయారుగా చేసుకొని ఉంచుకోవచ్చు. ఈ ఎడిటర్లు " కాపీ పేస్ట్" ప్రక్రియనూ బలపరుస్తాయి.
ఇక కొన్ని ఫ్రీ ఆఫ్ లైన్ బ్లాగ్ ఎడిటర్స్ గురించి.
1. "Windows Live Writer" : దీనిలో చాలా ఫీచర్స్ ఉన్నాయి .యూనికోడ్ సపోర్ట్ చేస్తుంది. అయితే దీనివి గొంతెమ్మ కోరికలు. దీనికి కావలసినవి:ఆపరేటింగ్ సిస్టం విన్డోస్ విస్టా గాని, ఎక్స్ పి ( సర్వీస్ పేక్ 2) తో
విన్డోస్ ఇంటర్నెట్ ఎక్స్ ప్లోరర్ 6 సర్వీస్ పేక్ 1, ఆపైనా
విన్డోస్ ఇన్స్టాలర్
ఇవన్ని కొంచెం పెద్ద ప్రోగ్రామ్స్. ఇన్స్టల్లేషన్ కి నెట్ కనక్షన్ కావాలి.
ఒకసారి ఇన్టాల్ అయితే బాగానే పనిచేస్తుంది. కాని ఫైర్ ఫాక్స్ తో పనిచెయ్యదు.
2. Post2blog: ఇది చాలా చిన్న ప్రోగ్రాం. Windows Live Writer లా దీనికి గొంతెమ్మ కోరికలు లేవు. ఆపరేటింగ్ సిస్టం విన్డోస్ ఎక్స్ పి, 2000 అయితే చాలు. ఇన్స్టల్లేషన్ చాలా సులభం. యూనికోడ్ సపోర్ట్ చేస్తుంది. ఒకసారి అకౌంట్ సెట్ చేసుకుంటే చాలు.
బ్లాగ్ పోస్ట్ draft గా గాని, లేక సరాసరి పబ్లిష్ గాని చెయ్యవచ్చు. మన కంపూటరులో భద్రపరచుకోవచ్చు.బ్లాగులో బొమ్మలు ఉంచ వచ్చు. వీడియో కావాలంటే మాత్రం draft గా అప్ లోడ్ చేసి బ్లాగ్ ఎడిటర్ లో జతచెయ్యాలి. ఇది అన్ని విధాలా ఏ బాదరబందీ లేని ప్రోగ్రాం.
3. Scribefire: ఇది ఫైర్ ఫాక్స్ కి plugin. మన బ్లాగు వివరాలు నెట్ ద్వారా తీసుకున్నాక మాత్రమే ఇది off line లో పనిచేస్తుంది. ఎడిట్ చేసిన బ్లాగు పోస్ట్ ను తిరిగి నెట్ ద్వారా మన బ్లాగులో డ్రాఫ్టుగా భద్రపరచుకోవచ్చు. అయితే మన కంపూటరులో భద్రపరచుకోలేం.అంటే ఇది పూర్తిగా off line ఎడిటర్ అని చెప్పలేం.ఇవి కాక w.blog, blogdesk, flock కూడా ఉన్నాయి. అయితే అవి యూనికోడ్ ని బలపరచవు, కాబట్టి తెలుగు టైప్ చెయ్యటానికి ఉపయోగపడవు. నా ఉద్దేశంలో blog2post మనకు అన్ని విధాలా సరిపోతుంది. ప్రయత్నించి చూడండి. దీనిని http://bytescout.com/post2blog.html నుండి డౌన్ లోడ్ చేసుకోండి.
మీ బ్లాగింగ్ సుఖమయమగు గాక!
7 comments:
దూర్వాసుల గారు. చాలా మంచి సమాచారాన్ని అందించారు. విండోస్ లైవ్ రైటర్ ఎలా వాడాలి ? అంటే, ఎక్కడ దొరుకుతుంది ? చెప్పగలరా ? థాంక్స్.
సుజాతగారన్నట్లు నిజంగా ఉపయోగకరమైన టపా. ఆఫీస్ 2007 లో ఈ సౌకర్యం ఉంది.
Informative!!
సుజాత,పూర్ణిమ,సత్యసాయి గార్లకు నెనర్లు.
సుజాతగారూ:
క్రింది లింకులనుండి విండోస్ లైవ్ రైటర్ కి కావాల్సిన ప్రొగ్రామ్స్ డౌన్ లోడ్ చేసుకోండి.
1. Windows Installer:
http://www.softwarepatch.com/windows/wininstallnt.html
2. .NET Framework:
http://www.filehippo.com/download_dotnet_framework_3/
3. Windows Live writer:
http://get.live.com/WL/config_all
ముందుగా (1), (2) ఇన్స్టాల్ చేసుకొని తరవాత లైవ్ రైటర్ ఇన్స్టాల్ చేసుకోవాలి.
చిన్న పరిశోధన లో తేలినదేమిటంటే post2blog ని , ఆ developer వదిలేసాడని! కాబట్టి రేపు అందులో ఏవేని ఇబ్బందులు ఎదుర్కొనవలసి వస్తే , సులువుగా సమస్యకు పరిష్కారం అందుబాటులో ఉండకపోవచ్చు.!
అవునండీ నెటిజెన్ గారూ.ఆవిషయం వారి వెభ్ పేజీలో వ్రాసారుకూడా. కాని నేను అదే వాడుతున్నాను. ప్రస్తుతానికి సమస్యలు తలఎత్తలేదు. అంతగా అయితే వేరేవి వున్నాయిగా. అదీ ధీమా!
ఈ బ్లాగు విలువైన సమాచారాన్ని అందిస్తోంది. మిత్రులు రాసిన వ్యాఖ్యలు చాలా ఉపయోగకరంగా ఉన్నాయి. తెలుగు బ్లాగు చేయడంలో ఎదురయ్యే సవాళ్ళకు సరైన జవాబు.
-భాను, కొత్తఢిల్లీ
Post a Comment